關於部落格
無以名之
  • 2493

    累積人氣

  • 0

    今日人氣

    0

    訂閱人氣

Hit-pha火──224反核遊行記事

Hiah-ni大ê廣場, toh這pha火, 真緊就khou chiok che人oa--過-來, tak-e long chiok好玄--e, 探頭問講:「Ah是teh燒sá°?」有人keh-si goan teh燒hit-tin Chi-na人e m…h-kiä°, toe leh chhoh, ian-na khian m…h-kia°落去燒. 這chun, 有人認出he是『扁帽』, 外khou圍koh有1個大kh¬--e teh hoah:『怎麼有人在燒民進黨的東西』, 群眾聽著這句話soah起phui面:「Ka phah hou hoa--lah, nah會teh燒Chhian-sui-pian(陳水扁) ê帽á? 是燒m-tioh nih……ah, 這tin人是頭殼phai°--去ou?」 這款聲一直ui外口溢--入-來, chham像海水kang款, 我na像hou 1-kh¬ koh 1-kh¬ ê湧束tiau--e, tiam-tiam m知beh an-choa°, 目chiu無神, be tin be動, 耳孔邊phih-phok跳e心跳聲竟然聽gah hiah-ni清楚, TOUCH著心內e驚惶, 我擋be-tiau--a. Khiä tiam hit-pha火邊--a e少年家, 用嚷--ê ka 1個ou-bah-sang講:「你去hou陳水扁騙--去-a-lah, i根本就無法tou ka Chi-na民國ian--倒!」 Goan e應話hou群眾koh khah liãh狂, 愈聽愈心光火熱, 性地long gia--起-來-a, 賴goan是青瞑a黨--ê, hoah-hiu e聲愈來愈che, 愈來愈che人oa--來, tak-e khi-m¬-chih long chia° bai. Goan是臨時臨iau想beh an-ne創--e, 根本就無想著會pi°-chia° an-ne, 勢面愈來愈bai, 若有sio-khoa無tu好, hoan-se kui-tin人就會phah--起-來. Goan這peng有人chiok大聲ka群眾應:「就是陳水扁teh thun-tah台灣人--e-lah!」 群眾起siau--a, chhi過TS身軀邊去, 用枴aka tng, koh ka塗kha e火poeh向TS, TS oan-na真火大, ma ka sak胸坎, 愈來愈che人chi° oa--來, 想beh cheng goan e人. 這chun我應該ai過去挺ka-ti人chiah tioh, 我行向TS, 這tiap, 我soah m敢iah是m知beh an-choa° oa--過-去, kui個世界na像long停--起-來-a, tiam gah連1枝針lak落塗kha都聽會著. 我無法tou忍受ka-ti這lo樣相, 愈急愈行be出--去, 手--nih e lok-a lak 愈an…… 衝突愈來愈大, ka-chai A昭兄tu-a好經過, 過來擋群眾, hoah講goan m是反台灣人, kan-ta°是對Chhiän-sui-pian無滿意, goan e人ma緊離開現場, tai-chi chiah an-ne煞戲. m-koh, 我e心肝頭iau未結束, tu-chiah 每1個畫面, ti我頭殼內用『停格』e方式一直放送--出-來──TS e反駁, hit-pha火冷冷a笑, iah koh有我心內e驚惶…… 尾--a tak-e相招去北投洗溫泉, lim酒, 看電視, 我long teh麻痺ka-ti, hiah-e畫面iu-goan一直放送無停khun, 我e不安, 驚惶kap懷疑ma愈來愈重. Tu離開現場ê時, 我甚至m敢看TS, 做兄弟--e無ka相挺, 我算sia°-mih! 連che都m敢, 我會tang keng joa久? 平常時a坐tiam教室--nih, 講lan ai反體制, ai kap惡質ê勢力對抗, 經過這層tai-chi, hou我知影: 親身體會著個人價值觀崩--去, che be joa困難, koh khah大ê挑戰, 是beh an-choa°用行動實踐理論! 這個體制hiah-ni-a chai, lan kam有決心kap意志堅持--落-去? 體制像銅牆鐵壁, 真phai° ka hai° tin動, 反抗e決心若無夠, 恐驚顛倒會懷疑ka-ti存在e意義. T„ hit-pha火內底, 我看著goan e熱情, ma看著透風當中群眾ê冷淡kap無奈, hit-pha火iu-goan無才調ka群眾hoah cheng-sin. 我tiam-tiam看著hoah-hiu, 相khiu, chhoh-kan-kiau, 一切na像long停ti hia, 像電影『駭客任務』e攝影技巧, gang--去-a, 精神e超脫m是簡單tai, 肉體承受e疼chiah是正港e疼, m-koh我ma知影, m管án-choa°, lan bë-tang ut-chut, ma be-tang失志.
相簿設定
標籤設定
相簿狀態